BE do të shtojë sanksionet ndaj Bjellorusisë – Pritet të përfshihen dhe linjat ajrore që transportojnë emigrantët
Rojet kufitare në Poloni kanë paralajmëruar emigrantët në anën tjetër të kufirit me altoparlantë se do përdoret forcë kundër tyre nëse nuk i binden urdhërave, pasi Polonia dhe Lituania raportuan se kanë ndaluar 200 njerëz, që u përpoqën të hynin në mënyrë të jashtëligjshme. Mijëra emigrantë kanë udhëtuar në Bjellorusi me shpresën për të hyrë në Bashkimin Europian, pa e ditur se do ngecin në kufij në kushte të motit të ftohtë. Europa e ka akuzuar vendin për krijimin e një sulmi të ashtuquajtur “hibrid”, duke fluturuar emigrantë nga vende si Siria dhe Afganistani, për t’i drejtuar në mënyrë të jashtëligjshme drejt Europës.
Ministrat e Jashtëm të Bashkimit Europian, janë mbledhur në nisje të javës për të biseduar ashpërsimin e sanksioneve ndaj vendit dhe zgjerimin e tyre ndaj linjave ajrore, nëse përfshihen në transportin e emigrantëve. Përpara takimit, ministri i jashtëm i Gjermanisë, Heiko Maas, tha se linjave ajrore mund ti kërkohet të ndalojnë transportimin e emigrantëve në Minsk, përndryshe do ndalohen në Europë. Shefi i politikave të jashtme, Josep Borrell, tha se ministrat do miratojnë sanksione të tjera ndaj Minskut dhe se i ka thënë ministrit të jashtëm në Bjellorusi se situata në kufi është e papranueshme.
Presidenti Alexander Lukashenko ka thënë në nisje të javës se vendi itij do të kundërpërgjigjet ndaj sanksioneve të reja të vendosur nga Perëndimi. Emigrantët janë përpjekur disa herë të kalojnë kufirin dhe Polonia ka bërë të ditur se ka arrestuar 4 të huaj në fundajvë, që përpiqeshin të transportonin 33 emigrantë nga vendi. Vendet anëtare si Lituania, Letonia dhe Estonia, kanë paralajmëruar se problemi mund të shkojë deri në konflikt ushtarak.
Linja shtetërore e fluturimeve në Bjellorusi, Belavia, bëri të ditur se Emiratet e Bashkuara Arabe kanë ndaluar banorët nga Afganistani, Siria, Yemeni dhe Iraku që të fluturojnë në Minsk në nisje të Javës. Minsitri i jashtëm i Bjellorusisë, Gabrielius Landsbergis, tha ndërsa mbërriti në Bruksel se Europa mund të ndihmojë me rikthimin e disa prej emigrantëve në Lindjen e Mesme.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.