BE do të zvogëlojë listën e zezë – Do të heqë Emiratet e Bashkuara. Ishujt e SHBA do të qendrojnë
Ministrat e Financave të Bashkimit Europian, pritet të heqin Emiratet e Bashkuara Arabe dhe Zvicrën nga lista e vendeve që dyshohen si parajsa fiskale në javën e ardhshme.
Megjithatë, sipas raportimeve, ato do të vazhdojnë të mbajnë në listë të zezë 3 territore amerikane. BE caktoi një listë të zezë dhe një listë gri të parajsave fiskale në Dhjetor 2017, pas zbulimeve të skemave të shumta të shmangies tatimore nga korporatat dhe individët e pasur.
Në takimin e 10 Tetorit, ministrat e financave pritet të heqin Emiratet e Bashkuara Arabe nga lista e zezë. Ishujt Marshall në Oqeanin Paqësor do të hiqen gjithashtu nga lista, sipas një dokumenti të BE.
Pas kësaj, mbeten 9 juridiksione brenda listës, përfshirë 3 territoret amerikane të Samoa, Guam dhe ishujt Virgin. Vendet në listën e zezë përballen me dëm reputacional dhe kontrolle më të ashpra në transaksionet me BE.
Përfshirja e territoreve amerikane në këtë listë, ka qenë një burim tensionesh me Washingtonin. Kjo mund të rrisë konfliktet mbi luftën tregtare që nisi këtë javë prej subvencioneve të jashtëligjshme të avionëve nga BE.
Në një vendim tjetër, ministrat e Financave pritet të heqin gjithashtu partnerin e madh ekonomik, Zvicrën, na lista gri. Kjo listë përfshin vende që kanë standarde të papërshtatshme tatimore, por janë angazhuar të ndryshojnë rregullat, për t’i përputhur me kërkesat e BE.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.