BE do testojë certifikatat e vaksinave. Do nisë në Maj, me objektivin për t’a operuar tërësisht në Qershor

Bashkimi Europian do të nisë testimin e sistemit të certifikatës së vaksinës në fillim të Majit, me synim që të jetë tërësisht në operim nga 30 Qershori, sipas autoriteteve.  Megjitahtë, ligji mund të mos jetë plotësisht i përfunduar deri më atëherë, ç’ka nënkupton se prezantimi i tyre mund të vonohet.

Parlamenti Europian mbështeti gjerësisht  planet e Komisionit për një certifikatë të vaksinës këtë Javë, duke lejuar që të nisin negociatat me vendet anëtare të bllokut për detajet përfundimtare.  Shtetet do të duhet të zhvillojnë aplikacionet e veta kombëtare, si për përdoruesit edhe për autoritetet që verifikojnë certifikatat, bazuar në standarde teknike të rëna dakord nga ekspertët.

Këto aplikacione do të lidhen më vonë nëpërmjet një “porte”, që lejon verifikimin e certifikatave nga shtete të ndryshme.  Testimi me disa vende anëtare, përfshirë Francën, Holandën, Gjermaninë, Kroacinë e të tjera, do të nisë më 10 Maj dhe BE synon të krijojë “portën” ndërshtetërore nga 1 Qershori. Sipas autoriteteve, certifikatat dixhitale të gjelbra të BE mund të jenë tërësisht operuese deri më 30 Qershor.

Klevis Llaha/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.