BE drejt kushteve të reja për ‘Green Pass’ në bllok – Lëvizja e lirë e vlefshme vetëm nëse keni marr vaksinat e aprovuara nga EMA
Një burim i BE ka thënë se propozimi i Green Pass, që do të paraqitet në 17 Mars për të ndihmuar lëvizjen e lirë brenda bllokut, do të jetë i vlefshëm vetëm me vaksinat e miratuara nga EMA raportoi Euronews, për shkak se vaksinimet nga ndërmarrjet e pa aprovuara nuk do të mbulohen nga klauzola e përgjegjësisë së BE dhe kontrolli i cilësisë.
Burimi raportoi se komisioneri i drejtësisë i BE Didier Reynders e bëri të qartë se vendet anëtare ishin të lira të vaksinojnë qytetarët e tyre nga produkte të tjera, por atyre nuk do t’u ndahej një çertifikatë e licencuar udhëtimi, përveç nëse doza e tyre kishte qenë nga një kompanitë e aprovuara aktualisht si Pfizer / BioNtech, AstraZeneca, Moderna dhe Johnson & Johnson.
Reynders tregoi se mbrojtja e të dhënave dhe diskriminimi i mundshëm mbetën shqetësimet kryesore për Komisionin Europian duke punuar në një propozim për një certifikatë udhëtimi COVID-19. Por rrjedhja tregon se ka një përqendrim në përzgjedhjen e vaksinimit.
Reynders po synon të ndjekë shpejt propozimin në Parlamentin Europian, duke çuar në një “instrument detyrues” për të gjitha vendet anëtare përpara verës.
Presidentja e Komisionit Europian Ursula von der Leyen ka thënë se do të ishte teknikisht e mundur të zhvillohej një “kalim i gjelbër” brenda rreth tre muajsh duke përdorur të dhëna që tregojnë nëse një person është vaksinuar, testuar negativ ose është imun pasi të ketë marrë sëmundjen, por së pari duhet të zgjidhen çështjet.
Certifikatat mund të ndihmojnë në zbutjen e një kthimi në udhëtimet ajrore dhe ndoshta të shmangin një sezon tjetër shkatërrues të pushimeve verore, pasi industria e turizmit dhe ekonomitë më të gjera vuajnë nga kufizimet.
Vendet e Europës Jugore të varura nga turizmi, si Greqia, Spanja dhe Portugalia, mbështesin një sistem të tillë, por partnerët e tyre veriorë të BE-së, si Gjermania, kanë rezerva nëse certifikatat e tilla do të funksionojnë..
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.