BE duhet të jetë e bashkuar dhe e vendosur kundër Rusisë – “Rrugët diplomatike janë refuzuar”
Rusia duhet të ndeshet me një kundërveprim “të bashkuar dhe të vendosur” mbi burgosjen e liderit të opozitës Alexei Navalny, shefi i punëve të jashtme të BE, Josep Borrell, ka thënë përpara diskutimeve ministrore mbi sanksionet.
Borrell, një ish ministër i jashtëm spanjoll, i cili u pa gjerësisht si i poshtëruar gjatë një konference shtypi me homologun e tij rus në Moskë në fillim të këtij muaji, tha se Kremlini kishte refuzuar një rrugë diplomatike për të dalë nga kriza.
Duke folur përpara një takimi të ministrave të jashtëm në Bruksel të hënën, ku një numër shtetesh anëtare pritet të shtyjnë punën për të filluar shënjestrimin e individëve, potencialisht mbi bazat e të drejtave të njeriut, Borrell sinjalizoi një forcim të pozitës së tij.
“Është e qartë se Rusia është në një rrugë konfrontuese me BE-në. Në rastin e z. Navalny, ekziston një refuzim i prerë për të respektuar angazhimin, përfshirë refuzimin për të marrë parasysh vendimet e Gjykatës Evropiane të të Drejtave të njeriut”, tha ai. “Do të jetë një diskutim i rëndësishëm i ministrave të punëve të jashtme se si të reagojmë ndaj kësaj dhe shpresoj se do ta bëjmë atë në një mënyrë të bashkuar dhe të vendosur.”
Dënimi me burg prej dy vjet e gjysmë i Navalny për shkeljen e kushteve të lirimit me kusht ndërsa shërohej në Gjermani nga një përpjekje për vrasje u konfirmua nga një gjykatë ruse e apelit të Premten.
Rusia ka thënë se do të injorojë një vendim nga Gjykata Evropiane e të Drejtave të Njeriut që Navalny duhet të lirohet për shkak të mungesës së masave mbrojtëse mbi sigurinë e tij.
SCAN
Burimi: The Guardian
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.