BE jep dritën jeshile për Fondin e Rimëkëmbjes. Priten 2000 miliardë euro, ende nuk ka dakordësi mbi mënyrën e financimit

Drejtuesja e KE Ursula von der Leyen ka vendosur planin e saj në tryezën e liderëve evropianë (i cili sipas një dokumenti të brendshëm duhet të përbëhet nga instrumente të ndryshme financiare për të gjeneruar 2,000 miliardë euro investime, kredi dhe shpenzime), teksa karakteristikat, financimi dhe madhësia e Fondit mbeten për tu diskutuar. Dhe në shumicën e këtyre pikave pozicionet e qeverisë mbeten të largëta

Siç pritej, tre këmbët e para të paketës së reagimit të pandemisë së BE-së do të jenë linja e kredisë “MES” ndaj Shteteve që do ta kërkojnë atë (240 miliardë), tek fondi “SURE” kundër papunësisë (100 miliardë) dhe kredia për kompanitë e garantuara nga Banka Qëndore Evropiane(200 miliardë), të cilat do të jenë në funksion nga 1 qershori.

Ndërsa Fondi i Rimëkëmbjes pritet të shtojë edhe të tjera para në qarkullim. Për kryeministrin Italian Conte, dhurimi i fondit duhet të jetë 1.500 miliardë dhe t’u sigurojë shteteve jo vetëm kredi, por edhe kredi të papagueshme.

Në këtë pikë, pozicioni francez është i konsoliduar me atë italian dhe spanjoll: fronti jugor kërkon që Fondi të mos financojë kredi për Shtetet, por tëjenë të dhuruara. Por blloku verior (Hollanda, Gjermania, Austri dhe Suedia) mbetet kundër kësaj ideje. Ursula von der Leyen siguron se do të kërkohet një “ekuilibër”.

Një Eurogrup do të mblidhet brenda dy javëve të ardhshme dhe ministrat e financave do të përpiqen të afrojnë pozicionet.

“Ka ndjeshmëri të ndryshme por unë jam optimist,” thotë Presidenti i Këshillit Evropian, Charles Michel i cili siguron Conte se ai foli për krizën aktuale si një “emergjencë politike” të vërtetë. “Ne do t’u tregojmë qytetarëve italianë se Evropa është atje”, tha Michel. Prandaj, topi kthehet përsëri në Eurogroup, së pari në Komision, dhe më në fund në një samit të ri të drejtuesve, i cili nëse konstatohet një marrëveshje që sot duket se është e largët, mund të thirret para datës së këshillit të zakonshëm në fund të qershorit. Më në fund, samiti i sotëm dha dritën jeshile.

Burimi: La Repubblica

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.