BE kërkon brenda dy muajve qëndrimin e Biden mbi taksimin digjital të korporatave të mëdha
Bashkimi Evropian shpreson që administrata e ardhshme e Joseph Biden do të sqarojë pozicionin e SHBA mbi taksimin dixhital brenda dy muajve nga marrja e detyrës, tha të hënën një burim i Ministrisë Franceze të Financave.
BE po konsideron të shkojë përpara me një taksë të gjerë mbi shërbimet dixhitale të ofruara nga kompani të tilla si Google dhe Amazon nëse një marrëveshje globale për të rishkruar rregullat për taksimin ndërkufitar nuk arrihet deri në mes të vitit 2021.
Përpjekjet në Organizatën për Bashkëpunim Ekonomik dhe Zhvillim (OECD) për të azhurnuar rregullat për epokën e tregtisë dixhitale kanë ngecur këtë vit. Administrata e Donald Trump bllokoi mundësinë e nënshkrimit të një marrëveshjeje shumëpalëshe pak para zgjedhjeve presidenciale.
Krerët e shteteve dhe qeverive të BE do të hedhin një vështrim të situatës në Mars dhe të vendosin se çfarë veprimi duhet të marrë blloku, tha burimi i Ministrisë Franceze të Financave.
“Padyshim, Marsi nuk u zgjodh rastësisht. Marsi do të jetë dy muaj pasi Biden të marrë detyrën … Shpresojmë të kemi kontakte brenda këtyre dy muajve me administratën e re Amerikane,” tha burimi.
“Në varësi të asaj që thotë administrata e Biden, Këshilli Evropian – është në nivelin e krerëve të shteteve dhe qeverive të BE – do të japë udhëzime në mars,” shtoi burimi.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.