BE mbështet bujqësinë organike / Rrit financimin për të arritur më shpejt objektivat e gjelbër
Komisioni Evropian deklaroi se do zgjerojë mbështetjen financiare dhe politike për të arritur objektivat që 25% e tokës bujqësore në Evropë të jetë organike deri në 2030-n. Bujqësua prodhon thuajse 10% të gazrave ndotës në BE dhe është e para që goditet nga ndryshimi klimatik, me të nxehtin rekord dhe thatësirat që kanë reduktuar të korrat në Evropë.
Tokat bujqësore organike, që kufizojnë pesticidet kimike, plehrat sintetik dhe organizmat e modifikuar genetikisht (GMO), janë zgjeruar me mbi 60% në dekadën e fundit në BE, në rreth 9% të totalit të zonës bujqësore. Komisioni shpalosi planet këtë javë për të përshpejtuar zgjerimin dhe rritur kërkesën për produkte organike, çka do ndihmojë objektivat për të reduktuar ndotjen deri më 2050. Duke arritur një pjesë prej 25% të tokës bujqësorë organike ndaj totalit, do të mbrojë gjithashtu bletët dhe biodiversitetin.
BE do shpenzojë 49 milionë euro për të promovuar produkte organike këtë vit, që është 27% e buxhetit total për promovimin e produkteve bujqësore.
Klevis Llaha – SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.