BE mbi heqjen dorë nga patenta e vaksinës / Dombrovskis: Është më efektive të rritet prodhimi dhe shpërndarja
Bashkimi Europian po krijon një plan që mendon se do nxisë prodhimin dhe disponueshmërinë e vaksinave të Covid-19 në mënyrë më efektive se braktisja e të drejtave të patentës që po mbështetet nga Shtetet e Bashkuara. Nën presion nga vendet e zhvilluara për të hequr dorë nga të drejtat e pronës intelektuale për vaksinat dhe trajtime, plani i BE përqendrohet tek kufizimet e eksporteve, premtimet nga prodhuesit e vaksinave dhe përdorimin e rregullave ekzistuese të Organizatës Botërore të Tregtisë. “Në këtë moment kritik, aksesi universal tek vaksina dhe trajtimet duhet të jetë prioriteti numër një i komunitetit botëror”- tha komisioneri i tregtisë, Valdis Dombrovskis, duke thënë se mënyra më efektive për ta arritur është shtimi i prodhimit. Në një debat mbi aksesin e vaksinave, Dombrovskis i tha politikanëve se BE mban një përgjegjësi të veçantë për të siguruar disponueshmëri botërore të vaksinave dhe është gati të vlerësojë çështjen e heqjes dorë nga patenta e vaksinave. India dhe Afrika e Jugut i kanë bërë thirrje vendeve anëtare të OBT që në Tetor, për të hequr dorë nga të drejtat e pronës intelektuale të vaksinës, në përpjekje për të siguruar furnizime botërore. Debati mbi çështje u rishfaq javën e kaluar, kur presidenti i SHBA, Joe Biden e mbështeti idenë. Megjithatë, Dombrovskis tha se mënyra më efektive është shtimi i prodhimit, shpërndarja më e gjerë dhe e shpejtë si dhe disponueshmëria.
Klevis Llaha – SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.