BE po konsideron ndalimin e hyrjes për vizitorët amerikanë pas dështimit të SHBA në menaxhimin e koronavirusit
Ndërsa vendet e Bashkimit Europian po vazhdojnë të lehtësojnë kufizimet e koronavirusit, vendet anëtare të BE-së po diskutojnë ndalimin e vizitorëve nga disa vende, përfshirë SHBA, sipas zyrtarëve të BE-së. Këto burime, të cilët janë të përfshirë në bisedime, thonë se nuk kanë parë asnjë listë që përmend vendet specifike.
Mes një rritje të infeksioneve koronavirus në disa pjesë të botës, BE ka punuar me vendet anëtare për të rënë dakord se udhëtarët mund të konsiderohen të sigurt për të vizituar bllokun duke filluar nga 1 korriku. Udhëzimi do të bazohet në mënyrën se si vendet e origjinës po trajtojnë pandeminë e koronavirusit.
“Kriteret do të përqendrohen në qarkullimin e virusit”, tha një diplomat i BE-së, duke shtuar se Brukseli po kërkon të evitojë udhëtarët nga vendet “ku virusi po qarkullon më aktivisht”.
Sidoqoftë, rekomandimet e bëra nga Komisioni nuk janë të detyrueshme. Vetëm një vend individual mund të marrë vendimin për hapjen dhe mbylljen e një kufiri.
Ndër opsionet që diskutohen janë kufizimet e udhëtimit të bazuara në rajonet gjeografike të SHBA-së sesa një ndalim gjithëpërfshirës për të gjithë vendin, pasi disa rajone kanë shkallë më të lartë infeksioni se të tjerët, thanë dy zyrtarë të BE-së për CNN.
E . S / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.