BE pritet të arrijë objektivat e vaksinimit – Von der Leyen: 70% e të rriturve, me 2 doza deri në fund të Verës
Bashkimi Europian pritet të arrijë objektivin e vaksinimit me 2 doza të të paktën 70% të popullsisë së rritur deri në fund të Verës, duke marrë parasysh se kjo përqindje nga mosha 18-vjeç e sipër kanë marrë të paktën 1 dozë, sipas komisionit Europian. Presidentja e Komisionit, Ursula von der Leyen tha se blloku ka arritur nivelin e 70% të të rriturve që kanë marrë të paktën 1 dozë, dhe 57% të vaksinuarit plotësisht.
Projeksionet tregojnë se BE do të arrijë objektivin deri në fund të Verës, sipas komisioneres së shëndetësisë, Stella Kyriakides. Fushata e vaksinimit në BE pati një nisje të ngadaltë krahasuar me vende si Britania apo Shtetet e Bashkuara, për shkak të vonesës së dozave, kryesisht nga AstraZeneca.
Megjithatë, pas një rritjeje të fortë të furnizimeve në tremujorin e dytë, kryesisht nga Pfzier me BiOnTech, von der Leyen tha se BE është tashmë ndër liderët botëror. “Përshpejtimi i procesit ka qenë i suksesshëm, por duhet ta mbajmë këtë ritëm. Varianti Delta është i rrezikshëm dhe i bëjmë thirrje kujtdo që ka mundësinë për t’u vaksinuar që ta bëjë , për të mirën e tyre dhe të të afërme”- tha von der Leyen.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.