BE, rritja e interesit ndaj Shqipërisë – Hroni: E rëndësishme, ndërthurrja e interesave të përbashkëta
Ndërthurja e interesave dhe prioriteteve mes Shqipërisë dhe BE pritet të rrisë dhe interesin e kësaj të fundit për vendin tonë.
Në këtë kuadër Instituti për Demokraci dhe Ndërmjetësim ka organizuar për herë të parë forumin “Evropianizimi përtej procesit” i cili synon krijimin e urave të komunikimit mes shoqërisë civile dhe organizatave studimore të vendeve BE. Sipas kreut të IDM, Sotiraq Hroni, aktivizimi i shoqërisë civile do ta bënte këtë proces më të lehtë.
E pranishme ishte edhe kryetarja e Komisionit parlamentar të Integrimit, Senida Mesi e cila kërkoi më shumë mbështetje ndaj Shqipërisë në rrugën drejtë integrimit. Mesi kërkoi që krahas zgjidhjes së problematikave në BE të ketë po të njëjtën rëndësi edhe zgjerimi i saj.
Për përfaqësuesit e organizatave studimore evropiane, Shqipëria ka ende shumë për të bërë para se të bëhet pjesë e BE, kjo lidhur edhe me përgatitjen e shoqërisë, për të kuptuar se me çfarë do të përballet pas këtij procesi.
Nertila Doko/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.