BE ‘shpëton’ Italinë: Nuk do t’i llogarisim shpenzimet për koronavirus në deficitin e buxhetit

Planet stimuluese të Italisë për të qetësuar ndikimin ekonomik të shpërthimit të koronavirusit nuk do të faktohen në vlerësimin që Bashkimi Evropian do t’i bëjë vendit lidhur më përputhshmërinë me rregullat fiskale të Unionit.

Në një letër drejtuar qeverisë në Romë, zyrtarët e lartë ekonomik të Komisionit Evropian miratuan planet e shpenzimeve të shpallura kohët e fundit, duke thënë se masat e tilla të njëanshme nuk do të merren parasysh kur të llogariten treguesit kryesorë të deficitit në Itali. Drita e gjelbër e Komisionit nënvizon se sa përparësi ka bërë administrimi i ndikimit ekonomik të koronavirusit për Brukselin.

Italia tha në 3 Mars se do të dyfishonte shumën e caktuar për të ndihmuar në kontrollin e koronavirusit  në 7.5 miliardë euro (8.5 miliardë dollarë). Fondet do të përdoren për “të ndihmuar familjet dhe bizneset të merren me këtë rast urgjent, i cili nuk është vetëm shëndetësor, por edhe ekonomik”, tha kryeministri Giuseppe Conte.

Shpenzimet shtesë do të bëjnë që Italia të prishë angazhimet e saj për deficitin buxhetor me 6.35 miliardë euro, ose 0.35 pikë përqindje të produktit të brendshëm bruto. Ministri i Financave Roberto Gualtieri në një letër drejtuar Komisionit tha se do të shtyjë deficitin e Italisë në vitin 2020 në 2.5% të PBB-së nga një angazhim i mëparshëm në 2.2%.

Me ekonominë e saj që ishte në rrezik të recesionit para koronavirusit, kriza ka paralizuar aktivitetin e biznesit në rajonet e pasura veriore të vendit akoma dhe më shumë. Ajo gjithashtu ka grumbulluar më shumë presion mbi koalicionin e brishtë qeverisës të vendit, me partnerë që kërkojnë shpenzime gjithnjë e më të larta.

Dosti Banushi – SCAN

Burimi: Bloomberg

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.