BE synon ndalimin e përkohshëm të teknologjisë së njohjes së fytyrës në vendet publike
BE mund të ndalojë përkohësisht përdorimin e teknologjisë së njohjes së fytyrës në vende publike siç janë stacionet e trenave, stadiumet sportive dhe qendrat tregtare për shkak të frikës që ka pushtuar qytetarët evropianë rreth mbikëqyrjes së tyre 24 orëshe.
Një ndalim që zgjat midis tre dhe pesë vjet është parë si një mënyrë për Brukselin të menaxhojë rreziqet që thuhet se paraqiten nga shpejtësia e përparimit me të cilën po miratohet softweri.
Opsioni përmbahet në një draft të hershëm të një letre të bardhë të komisionit evropian të marrë nga faqja e internetit e lajmeve “Euractiv”. Versioni përfundimtar do të botohet në shkurt, si pjesë e një ligji më të gjerë të rregullimit të inteligjencës artificiale.
Draft dokumenti tregon të drejtën sipas rregullimit të përgjithshëm të mbrojtjes së të dhënave për qytetarët e BE-së “të mos jenë subjekt i një vendimi të bazuar vetëm në përpunimin e automatizuar, përfshirë profilizimin”.
Sipas propozimit, një kornizë e re rregullatore për inteligjencën artificiale mund të “përfshijë një ndalim të kufizuar nga koha për përdorimin e teknologjisë së njohjes së fytyrës në hapësirat publike”.
Më gjerësisht, Brukseli po shikon një sërë opsionesh për trajtimin e pyetjeve etike dhe ligjore të parashtruara nga inteligjenca artificiale. Sipas një plani, zhvilluesve do t’u kërkohej të ndiqnin një kod vullnetar etik. Ata do të merrnin një certifikatë të artë për standardin e vendosur si kthim.
Komisioni po shqyrton gjithashtu standardet minimale për departamentet qeveritare dhe përdorimin e instrumenteve juridikisht të detyrueshëm të BE-së kur bëhet fjalë për “aplikime me rrezik të lartë të inteligjencës artificiale” në fusha të tilla si kujdesi shëndetësor, transporti, policia dhe gjyqësori.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.