Belgjika ndryshon qasje ndaj masave – Lejon hapjen e teatrove dhe kinemave, pavarësisht rritjes së Omicron
Qeveria belge ka ndryshuar kursin e masave të Covid, duke lejuar teatrot që të rihapen, pasi një gjykatë pezulloi mbylljen e tyre një javë më parë, që synonte frenimin e rasteve me variantin Omicron të koronavirusit. Vendimi i Këshillit Shtetëror nuk mbuloi kinematë, por qeveria bëri të ditur se edhe ato mund të rihapen, pasi operojnë në të njejtat kushte si teatrot. Kryeministri Alexander De Croo, ministrat e kabinetit dhe shefat rajonalë, u takuan në një konferencë në internet këtë javë, përpara se De Croo të shkruante në Twitter se rregullat do të ndryshojnë. Teatrot, kinematë dhe qendrat e koncerteve do të lejohen të pranojnë deri në 200 njerëz, të gjithë të ulur dhe duke vendosur maska, si dhe do të lejohen vetëm, me certifikatë të Covid-19, apo një test negativ.
Qendrat e tjera të brendshme, si kazinotë dhe sallat e bowlling, do të qëndrojnë të mbyllura. Qeveria e De Croo dhe shefat rajonalë, vendosën javën e kaluar që të mbyllin kinematë dhe teatrot, ndërkohë që lejonin baret, restorantet , palestrat dhe ambientet te tjera të brendshme sportive, që të vazhdojnë si më parë. Belgjika, ku ndodhen instituciont e Bashkimit Europian dhe selia e NATOs, ka parë rënie të infeksioneve që prej fundit të Nëntorit, por rastet me Omicron janë rritur shpejt, dhe zënë tashmë mbi gjysmën e totalot ditor.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.