Ben Andoni në “Argument”: “SHBA, tërheqje nga rajoni. Amerika e vërtetë në Kosovë”

Për analistin Ben Andoni “Amerika e vërtetë është në Kosovë, ndërsa në Shqipëri shohim një Amerikë tjetër”. Ndër të tjera ai e lexon ndryshe retorikën e të ngarkuarës me punë në Shqipëri, Leyla Moses-Ones, si dhe të gjithë politikës së jashtme të SHBA-së në Ballkan.

“Fjalët janë thjesht retorikë”, nënvizoi ai në mbrëmjen e së Hënës në Argument, duke lënë të kuptohet se ajo që thonë përfaqësuesit e lartë të SHBA në Tiranë e në vendet e tjera të rajonit shkojnë kundër asaj që realisht planifikon Shtëpia e Bardhë.

Diskutimi në lidhje me politikën e jashtme të SHBA në Ballkan vjen në një kohë që BE i ka thënë “JO” Maqedonisë së Veriut dhe Shqipërisë. Për këtë temë ditën e hënë u zhvillua edhe një konferencë në Tiranë.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.