Berati ndërton urë të re mbi lumin Osum! Detajet e tenderit: Do të rikostruktohet edhe rruga anash lumit

Bashkia e Beratit ka hapur tenderin për hartim projekti “Ura e RE mbi lumin Osum dhe rikonstruksion i rrugës Goricë-Bilcë ”. Fondi limit është 13 milion e 476 mijë lekë dhe afati për ofertat është 25 janar 2021.

Qyteti i Beratit dhe fshatrat rreth tij ndahen nga lumi Osum. Aktualisht mbi Lumin Osum kalon vetëm një urë automobilistike ndërsa dy urat e tjera janë ura këmbësorësh. Plani i përgjithshëm vendor i qytetit të Beratit parashikon zhvillimin e qytetit në drejtim të lagjes Uznovë.

“Për këtë, lind nevoja e lidhjes së kësaj zone me anën tjetër të lumit të cilat momentalisht kanë akses vetëm nëpërmjet urës ekzistuese automobilistike në hyrje të qytetit, rreth 5 kilometra larg.

Gjithashtu, gjendja e varfër e infrastrukturës rrugore në këtë zonë sjell si nevojë rikonstruksionjin e rrugës që lidh urën e re me infrastrukturën ekzistuese.

Po ashtu, projekti parashikon edhe rikonstruksionin e urës Goricë-Bilcë e cila do të mundësojë qarkullimin e mjeteve me lehtësi dhe do të mundësojë lidhjen midis dy anëve të lumit.

Rruga që do të rikonstruktohet është rreth 3.5 kilometra e gjatë e shtrihet në gjatësinë e saj paralel me lumin Osum. Pika e nisjes  është kryqëzimi në rrugën Goricë-Dobornik pranë urës së varur në lagjen Goricë dhe përfundon në kryqëzimin e parashikuar me rrugicën e re mbi urë.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.