Berlusconi në ankand bamirësie – Drekë me kavalierin, ndërsa fitimet u shkojnë të prekurve nga tërmeti
Ish-kryeministri italia Silvio Berlusconi i është bashkuar një nisme bamirësie në ndihmë të të prekurve nga tërmeti në Abruzzo.
Përmes një ankandi në portalin “Charity Stars”, që në shqip do të thotë “Yjet e Bamirësisë”, personi që ofron më tepër do të ketë mundësinë të drekojë me manjatin italian.
“Mendoj se kushdo prej nesh duhet të bëjë çdo gjë që mundet për të ndihmuar bashkëqytetarët tanë në vështirësi dhe ndonjëhere kjo mund të arrihet me një gjest shumë të thjeshtë. Jam vërtet i lumtur që do të njoh e do të drekoj me një bamirës bujar dhe të ndjeshëm, si ai fitues i kësaj gare, e cila shpresoj do t’i jepet një çmimi shumë të lartë, meqënëse fondet do të mblidhen nga Kryqi i Kuq”, shkruan Berlusconi në faqen e tij në Facebook.
Dreka me kavalierin do të jetë në Milano në një datë ende për t’u përcaktuar në varësi të disponueshmërisë të palëve. Fituesi mund të marrë pjesë në çift, ndërsa shpenzimet e udhëtimit nuk përfshihen në çmim.
Ankandi mbyllet më 16 mars, ndërsa oferta më e lartë në vetëm pak orë është mbi 17 mijë euro.
Angelo Haruni/SCAN
Cari amici,ho deciso di prestarmi a questa asta di beneficenza a sostegno delle popolazioni terremotate dell'…
Posted by Silvio Berlusconi on Thursday, February 23, 2017
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.