BERZH, 210 milionë euro për një rrugë në Bosnje Hercegovinë
Bosnja ka rënë dakord për financim nga Banka Europiane për Rindërtim dhe Zhvillim prej 210 milionë euro për ndërtimin e rrugës anësore në Doboj.
“Gjithsej, 150 milionë euro do të huazohen në Republikën Srpska dhe 60 milionë euro në Federatën e Bosnjës”, tha Radovan Viskoviç, gjatë punimeve të Mbledhjes Vjetore të BERZH dhe Forumit të Biznesit në Sarajevë.
Qeveria e Bosnjës i ka paraqitur BERZH-it një sërë projektesh dhe shpreson t`i realizojë me mbështetjen e huadhënësit. “Bosnje Hercegovina ka ndërmend të ndërtojë objekte të energjisë ripërtëritëse me një kapacitet të kombinuar prej 1,000 MË.
BERZH është e interesuar në financimin e projekteve në fushën e energjisë së gjelbër. Projekti i anashkalimit të Dobojit është pjesë e Korridorit VC, një degë e Korridorit V të transportit europian me një gjatësi totale prej 700 km, që do të lidhë Hungarinë dhe Kroacinë Lindore në Bosnje Herzegovinën dhe në Detin Adriatik. Doboj është një qytet dhe komunë në kufi me Federatën.
BERZH, ndërkohë, është financuesi më i madh në Ballkanin Perëndimor dhe shumë vende të rajonit, përfshirë Shqipërinë. Këto vende kanë përfituar nga financimet e shumta të bankës që prej vitit 1991. Në total, banka pritet të investojë rreth 1 miliardë euro në rajon, gjatë këtij viti, po aq sa investoi edhe vitin e kaluar. Pjesa dërrmuese e financimeve shkojnë në projekte infrastrukturore dhe gjatë viteve të fundit një fokus të veçantë kanë marrë edhe projektet e energjisë së rinovueshme.
Sa i përket projekteve në infrastrukturën rrugore, Shqipëria është ndër përfituesit më të vegjël, ndërkohë që gjatë 3 viteve të fundit ka marrë financime për projekte hekurudhore, sidomos për linjën e re, që do të lidhë kryeqytetin me Aeroportin “Nënë Tereza”.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.