Besnik Dervishi propozohet nga qeveria për një mandat të dytë si Komisioner për të Drejtën e Informimit dhe Mbrojtjen e të Dhënave Personale
Këshilli i Ministrave ka propozuar Besnik Dervishin si kandidat për Komisioner për të Drejtën e Informimit dhe Mbrojtjen e të Dhënave Personale. Kandidatura duhet të shqyrtohet e votohet në Kuvend. Në këtë mënyrë, Dervishi propozohet për një mandat të dytë për faktin se ai është aktualisht Komisioner për të Drejtën e Informimit dhe Mbrojtjen e të Dhënave Personale.
Dervishi ka përfunduar studimet në Fakultetin Juridik në vitin 1986. Referuar jetëshkrimit zyrtar, në karrierën e tij, Dervishi ka zhvilluar profesionin e gjyqtarit, avokatit dhe ka kryer detyrën e Prefektit, Sekretarit të Përgjithshëm dhe Zv/ministrit. Në vitet 2002 – 2003, Dervishi ka mbajtur postin e Ministrit të Rregullimit të Territorit dhe Turizmit. Gjatë viteve 2005 – 2009, Dervishi është zgjedhur Deputet i Kuvendit të Republikës së Shqipërisë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.