Beteja në parlamentin britanik – May ka 2 javë kohë që t’i shesë Brexit deputetëve dhe publikut
Kryeministrja e Britanisë, Theresa May, nis ditën e Hënë fushatën 2-javore për të shitur marrëveshjen historike të Brexit te parlamenti britanik dhe i ka thënë deputetëve se nëse e refuzojnë, do të rrezikojnë krijimin e më shumë pasigurive dhe ndarjeve në vend.
Marrëveshja, e rënë dakord ditën e Diel në Bruksel, synon një ndarje të butë që do të përfundojë përfshirjen 45 vjeçare të Britanisë në projektin europian. May i ka thënë deputetëve se nëse refuzojnë marrëveshjen, negociatat do të shumëzohen me zero.
Theresa May do të luftojë me kabinetin e saj për të mbështetur marrëveshjen, ndërkohë që janë shtuar shqetësimet në Downin Street se disa prej ministrave të saj Euroskeptik, nuk janë dakord me planin.
Steve Barclay, sekretari i për Brexit, tha se votimi në dhomën e ulët të parlamentit, që do të ndodhë më 12 Nëntor, do të jetë sfidues. Paralelisht, disa anëtarë të kabinetit të May po diskutojnë për një plan B, nëse kryeministrja dështon të fitojë mbështetje për marrëveshjen në 12 Dhjetor. Sipas ministrave pro Bashkimit Europian, Michael Gove dhe Amber Rudd, modeli “Norvegjez” mund të prezantohet nëse ka një përplasje në parlament.
Ata janë pro idesë që Britania të qëndrojë në mënyrë të përkohshëm në Zonën Ekonomike Europiane, duke i dhënë akses në tregun e përbashkët. Por një plan i tillë, do të ishte i papranueshëm nga shumë euroskeptikë krahasuar me paktin e May të arritur në Bruksel, pasi do të përfshijë lëvizjen e lirë të punonjësve, pagesa për projektet e BE dhe bindjen e rregullave të Brukselit. Ministra të tjerë po shqyrtojnë mundësitë e daljes pa marrëveshje.
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.