Biden bën zgjedhjen e parë. Kush është Klain, shefi i stafit. U portretizua nga Kevin Spacey në filmin “Recount” për rinumërimin e votave Bush-Gore
Presidenti i zgjedhur i Amerikës Joe Biden ka zgjedhur: Ron Klain do të jetë jetë shefi i stafit të ekipit të tij presidencial. Uashington Post citon disa burime, sipas të cilave Klain e ka pranuar detyrën. Klain është zgjedhja e parë e Biden.
Ai ka qenë këshilltar i presidentëve dhe zëvëndëspresidentëve demokratë. Në vitet ’80 ai ka qenë këshilltar i Biden, kur presidenti i zgjedhur ishte shef i komisionit të drejtësisë. Në vitin 2014 ai u caktua si Koordinator i përgjigjes ndaj virusit Ebola.
Klain është portretizuar nga aktori Kevin Spacey në filmin ‘Recount’ të vitit 2008 ku trajtohen zgjedhjet presidenciale të vitit 2000 ku Xhorxh Bush fitoi përballë Al Gore, në një proces që ngjason me këtë të tanishmin, ku u bë rinumërimi i votave.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.