Biden: Luftë emetimit të metanit – Presidenti fton liderët globalë të bashkohen në këtë nismë

Presidenti amerikan, Joe Biden, i bëri thirrje liderëve global t’’i bashkohen Shteteve të Bashkuara dhe Bashkimin Europian për të ulur emetimet e metanit, në përpjekje për të rikthyer shpresën në prag të samitit ndërkombëtar të ndryshimit klimatik, që zhvillohet muajin e ardhshëm. Biden i bëri këto komente gjatë një takimi virtual të Forumit të Ekonomive të Mëdha, një vazhdim i takimit të Ditës së Tokës, që Biden e organizoi në muajin prill.

Ndërkohë, kryeministri britanik, Boris Johnson, i cili u zotua se do të jetë një ndër nënshkruesit e parë të “Angazhimit Global të Metanit”, për të zvogëluar emetimet e gazit të dëmshëm. Argjentina, Indonezia, Italia dhe Meksika iu bashkuan kësaj aleance, ndërsa Gana dhe Iraku shprehën interesin për t’u bërë pjesë, sipas një përmbledhje të Shtëpisë së Bardhë.

Trajtimi i ndryshimeve klimatike është një nga prioritetet kryesore të Biden dhe konferenca e Kombeve të Bashkuara për klimën e quajtur “COP26”, do të zhvillohet në Gllazgou të Skocisë nga 31 tetori deri më 12 nëntor. Ky samit shihet si një moment kritik, që bota të angazhohet më shumë për të ndaluar rritjen e temperaturave.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.