Biden njofton planet e Covid gjatë Dimrit – Testime falas në shtëpi, rregulla për udhëtuesit dhe nuk do të ketë karantinë
Presidenti i Shteteve të Bashkuara, Joe Biden, ka prezantuar strategjinë për të luftuar variantet Omicron dhe Delta të koronavirusit gjatë Dimrit, duke përfshirë testime në shtëpi të Covid-19 pa pagesë ose të mbuluara nga siguracioni, si dhe kërkesa të reja për udhëtuesit ndërkombëtarë.
Qeveria e SHBA do t’i kërkojë siguruesve privatë të shëndetësisë që të rimbursojnë 150 milionë konsumatorët për 100% të kostove të testeve në shtëpi të Covid-19, si dhe të disponojnë 50 milionë teste të tjera shtesë pa pagesë përmes klinikave në zonat rurale për të pasiguruarit. Biden tha se strategjia e re nuk do të përfshijë masa të karantinës.
Administriata po i bën thirrje të gjithë amerikanëve që të vaksinohen apo të marrin dozat nxitëse për të luftuar Omicron, që po përhapet shpejtë në botë, ndërkohë që do rrisë qendrat familjare të vaksinimeve dhe zgjerojë disponueshmërinë në farmaci. Më pak se 60% e popullsisë së SHBA, apo 196 mln njerëz, janë vaksinuar plotësisht, që është një nga normat më të ulëta për vendet e pasura.
Administrata thekson se 100 milionë të tjerë janë të përshtatshëm për doza nxitëse. CDC ka bërë të ditur se të gjithë të rriturit duhet të marrin dozën nxitëse, për shkak të zbehjes së imunitetit dhe shfaqjes së Omicron.
Shtetet e Bashkuara planifikojnë gjithashtu t’i kërkojnë pasagjerëve ndërkombëtarë që të testohen 1 ditë pas nisjes, pavarësisht statusit të vaksinimit. Detyrimi i maskave në avionë, trena dhe transport publik do të zgjatet deri më 18 Mars. Plani i ri do të përmirësojë gjithashtu kujdesin për ata që sëmuren me Covid, duke trefishuar numrin e ekipeve që ofrojnë staf shtesë në spitalet që janë në mbikapacitet.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.