Biden zgjedh përsëri Powell në krye të Fed – Respekton pavarësinë e tij gjatë ndërhyrjeve të administratës së Trump
Presidenti i Shteteve të Bashkuara, Joe Biden, ka zgjedhur kryetarin e Rezervës Federale, Jerome Powell, për një mandat të dytë 4-vjeçarë, duke i’a lënë ish-bankierit të invesimeve detyrën për të vazhduar drejtimin e ekonomisë jashtë krizës së pandemisë. Lael Brainard, anëtari i bordit që ishte kandidati tjetër kryesor për postin, do të jetë zv/kryetar, sipas Shtëpisë së Bardhë. Kjo bashkon dy veteranë të politikave monetare dhe bashkëpunues mbi ndryshimin e fokusit të bankës drejt vendeve të punës nga inflacioni, që ka qenë themeluar 4 dekada më parë.
“Kemi lëvizur nga një ekonomi që ishte e mbyllur, drejt një ekonomie që po drejton rimëkëmbjen botërore. Unë nominoj Jerome Powell për një mandat të dytë si kryetar i Rezervës Federale dhe Lael Brainard për pozicionin e zv/kryetarit. Kur vendi ynë po goditej tek tregu i puënsimit në vitin e kaluar, dhe ekzistonte panik në tregjet financiarë, lidershipi i patundur i Xhejit (Jay) ka ndihmuar të stabilizojë tregjet”, u shpreh Biden.
Shtetet e Bashkuara po përballen përsëri me goditje të pandemisë, përfshirë inflacion të lartë, por vendi ka bërë progres gjigant, sipas presidentit, përfshirë krijimin e thuajse 6 milionë vende pune që kur ai mori detyrën. Biden i’u përgjigj gjithashtu kritikave nga partia e vetë demokrate, që i kërkonte zëvëndësimin e Powell, një republikan, me një guvernator Demokrat.
“E respektoj pavarësinë e Xhejit dhe besoj gjithashtu se ai do të ndjekë premtimin për t’i dhënë prioritet këtyre çështjeve me aftësitë e tij. Disa do të pyesin se pse unë po nominoj zgjedhjen e një republikani dhe jo një demokrat? Ta them troç, në këtë moment të potencialit të madh por edhe pasigurisë së madhe për ekonominë tonë, ne na nevojitet stabilitet dhe pavarësi tek Rezerva Federale. Xheji e ka vëretuar pavarësinë dhe në administratën e fundit, ai i rezistoi ndërhyrjeve të jashtëzakonshme politike”, shtoi Biden.
Powell, 68 vjeç dhe Brainard, 59, do të duhet të konfirmohen nga Senati, që kontrollohet nga demokratët e Biden, por që është i ndarë. Presidenti ka lënë poste të tjera të hapura tek Fed, përfshirë zv/kryetarin e mbikqyrjes, që mund të përdoret për të ashpërsuar rregulloret bankare. Megjithatë, për politikat monetare bazë të bankës, që janë manxhimi i inflacionit dhe caktimi i normave të interesit pasi ekonomia të dalë nga pandemia, Biden ngurroi për vazhdimësi.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.