Bie industria italiane – Tkurret gjatë prillit, ogur i zi për ekonominë
Prodhimi industrial në Itali ra në mënyrë të papritur gjatë muajit Prill të këtij viti, me 0.4%, tregojnë të dhënat e fundit nga Instituti i Statistikave në vend.
Kjo e dhënë, sinjalizon se, rritja ekonomike gjatë tremujorit të dytë të vitit mund të jetë ngadalësuar. Të dhënat rezultojnë bindshëm larg projeksioneve dhe vlerësimeve paraprake, që flisnin për një hap rritës.
Prodhimi industrial në Itali, vazhdimisht ka shfaqur një lidhje të ngushtë me rritjen e Prodhimit të Brendshëm Bruto, dhe për këtë arsye, të dhënat e fundit të ISTAT janë tepër shqetësuese.
Ekonomia italiane u rrit me një normë prej 0.4% gjatë tremujorit të parë të këtij viti, pasi fillimisht u raportua për një normë rritje pranë vetëm 0.2%.
Shifrat dhe të dhënat që vijnë nga Italia janë kontradiktore. Indeksi PMI gjatë Prillit flet për aktivitetin më të fortë në 6 vite, që më pas u ngadalësua muajin pasardhës.
Në terma vjetorë ndërkohë, prodhimi industrial gjatë prill rezulton të ketë rënë me plot 6.5%.
Roel Korkuti/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.