Bie lehtë numri i të prekurve me Covid-19, MSH: 121 persona rezultojnë pozitivë, shërohen 97 qytetarë
Gjatë 24 orëve të fundit është vënë re një rënie e lehtë e numrit të të prekurve me Covid-19. Në përditësimin e të dhënave, Ministria e Shëndetësisë njofton se kanë rezultuar pozitivë me koronavirus 121 persona, ndërsa janë kryer 887 testime dhe janë shënuar 3 viktima.
“Janë kryer 887 testime dhe janë konfirmuar 121 të prekur me virusin SARSCOV2.Në 24 orët e fundit, me gjithë përpjekjet e mjekëve, fatkeqësisht e kanë humbur betejën me COVID19 një 70 vjeçar nga Tirana, 71 vjeçar nga Lushnja dhe një 81 vjeçar nga Korça”, njofton Ministria e Shëndetësisë.
Gjithashtu, në 24 orët e fundit janë shëruar 97 qytetarë.
“Fatmirësisht një përmirësim të situatës ka pasur edhe sa i përket të shtruarve në dy spitalet COVID në vendin tonë. Një ditë më parë kanë qenë të shtruar 201 pacientë, ndërkohë që gjatë 24 orëve të fundit po trajtohen 189 pacientë, 18 në terapi intensive, nga të cilët 6 pacientë janë të intubuar. Ndërkohë janë 97 të shëruar, duke e çuar 7139 numrin e qytetarëve që e kanë mundur COVID19.”
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.