Bie papunësia në Gjermani – Tregu i punës në pikë kthese. Manifaktura lajmëron shkurtime!
Papunësia në Gjermani ra papritmas në muajin Nëntor, ndërkohë që ngadalësimi i sektorit të manifakturës u stabilizua dhe tensionet tregtare u tërhoqën. Raporti, që pritet të ulë shpresat për stimuj fiskal nga qeveria gjermane, tregoi se numri i personave të papunë ra me 16,000 dhe norma e papunësisë mbeti e pandryshuar në 5%.
Rënia e të papunëve përbën lajme të mira për ekonominë, ndërkohë që më herët gjatë javës të dhëna mbi konsumin treguan rënie. Të dhëna të tjera këtë muaj kanë treguar një rimëkëmbje të porosive për “Made in Germany” dhe përmirësim në besimin e bizneseve.
Kjo ka mbështetur këmbënguljen e qeverisë së kancelares Angela Merkel se nuk ka nevojë për të devijuar nga buxheti i balancuar, një qëndrim që është përkahur gjithashtu nga presidenti i Bundesbank Jens Weidmann. Megjithatë, pas më shumë se 1 dekade të rënies së papnuësisë, ekziston rreziku se tregu i punës në Gjermani ndodhet në një pikë kthese.
Manifaktura ka lajmëruar shkurtime prej më shumë se 80,000 persona këtë vit, kryesisht nga prodhuesit e makinave si Volkswagen, që po përballen me sfida si elektrifikimi dhe lufta tregtare. Agjencia e punës bëri të ditur se kërkesa për punëtorë të rinj është zbehur.
Ekonomistët shqetësohen se humbja e vendeve të punës mund të ndikojë te shpenzimet private, që kanë mbështetur ekonominë në kohët e fundit dhe kanë parandaluar recesionin.
Fondi Monetar Ndërkombëtar dhe Banka Qendrore Europiane i kanë bërë thirrje Gjermanisë që të “hapë thesin” dhe të shtojë shpenzimet publike.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.