Bie përdorimi i Facebook-ut për lajme – Të rinjtë i drejtohen Whatsapp dhe aplikacioneve të tjera të komunikimit
Përdorimi i rrjetit më të madh social në botë, Facebook, për sa i përket lajmeve ka rënë me 9 pikë përqindje në 2017-ën dhe 20 pikë përqindje sa iu përket moshave të reja, sipas sondazhit të Institutit Reuters për 74,000 njerëz në 37 tregje..
“Përdorimi i mediave sociale për lajmet ka filluar të bjerë në një numër tregjesh kyçe pas viteve të rritjes së vazhdueshme”, tha në raportin Digital News, Nic Newman, bashkëpunëtor hulumtues në Institutin Reuters për Studimin e Gazetarisë.
“Ne vazhdojmë të shohim një rritje në përdorimin e aplikacioneve të mesazheve për lajme ndërsa konsumatorët kërkojnë më shumë hapësira private (dhe më pak konfrontuese) për të komunikuar,” tha Newman.
Hulumtimi paraqet paqëndrueshmërinë e shijet e konsumatorëve pasi industria e lajmeve përpiqet të luftojë me ndikimin e internetit dhe smartfonë që kanë transformuar si mënyrën se si njerëzit konsumojnë lajmet dhe mënyrën se si kompanitë e mediave fitojnë para.
Kryesisht janë Facebook dhe Twitter që përdoren për të lexuar lajmet por diskutimi rreth tyre kryhet nëpërmjet WhatsApp-it.
WhatsApp themeluar në 2009-ën dhe blerë nga Facebook në 2014-ën për 19 miliardë dollarë, është më popullor se Twitter për nga rëndësia e lajmeve shumë vende, thuhej në raport.
V.H/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.