“Bie” propozimi për pagat – Rama: FMN na kërkoi të vendosnim tatim nga 15 mijë lekë
Ashtu sikurse pritej, kryetari i Komisionit të Ekonomisë Erion Braçe bëri edhe njëherë propozimin e tij për mos aplikimin e tatimit për pagat deri në 40 mijë lekë, kërkesë e cila është rrëzuar nga Parlamenti me 63 vota kundër, 12 abstenim dhe 1 pro, gjatë diskutimeve nene për nen të buxhetit dhe paketës fiskale 2019.
Për herë të parë lidhur me këtë çështje, ka reaguar edhe kryeministri Edi Rama, sipas të cilit FMN-ja i ka kërkuar që tatimi mbi pagat të nisë nga niveli 15 mijë lekë, dhe në këtë pikë, nuk mund të mendohet një rritje e pragut.
Ndërkaq, Braçe ka bërë dy amentime të tjera sa i përket fasonëve që lidhen me p[problematikat e rimbursimit si dhe për inputet bujqësore duke kërkuar TVSH zero dhe rimbursim 10 për qind. Por edhe për kërko propozime nuk ka gjetur mbështetje. Nga të gjitha propozimet apo amendamentet e Kryetarit të Komisionit të Ekonomisë dhe Financave, është miratuar vetëm një që ka të bëjë me tarifat doganore për frigoriferët.
Elisabeta Dosku/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.