Bien eksportet e kafes braziliane – Ndjekin një vit me të ardhura rekord tek kultivuesit
Brazili ka eksportuar 2.89 milionë thasë 60 kilogramësh të kafesë së gjelbër në Janar, në rënie me 8% nga e njëjta periudhë një vit më parë, sipas shoqatës së eksportuesve.
Eksportet e kafesë arabike ranë me 9.3% në 2.65 milionë thasë, ndërsa dërgesat e kafesë robusta, u rritën me 7.9% në 241,534 thasë, sipas shoqatës. Eksportet e Janarit nga Brazili, që është kultivuesi dhe eksportuesi më i madh në botë i kafesë, ishin më të vogla se në Dhjetor dhe prekën volumin më të ulët mujor që prej Korrikut të kaluar.
Tregtarët kanë raportuar aktivitet të ngadaltë në tregun brazilian, kryesisht pasi kultivuesit kanë shitur më parë, nën një vit rekord. Dërgesat për Tetorin, Nëntorin dhe Dhjetorin, kanë kaluar nivelin e 4 milionë thasëve në muaj. Tregu fizik ndodhet në ngadalësim.
Prodhuesit kanë pasur të ardhura të mëdha në muajt e fundit, për shkak të çmimeve të qëndrueshme. Shtetet e Bashkuara kanë qenë destinacioni kryesor për kafenë braziliane gjatë Janarit, me 22% të totalit, ndjekur nga Gjermania, Belgjika,Italia dhe Japonia.
Klevis Llaha – SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.