Bien eksportet gjermane – Surprizojnë të dhënat e fundit, T4 në dobësi

Eksportet gjermane janë regjistruar në mënyrë të papritur në rënie gjatë tetorit të këtij viti. Nga ana tjetër, kërkesa e fortë e brendshme ka nxitur një rritje të importeve, tregojnë të dhënat e fundit.

Këto shifra janë publikuar vetëm një ditë pas atyre që flisnin për një rënie të prodhimit industrial po gjatë muajit Tetor, çka sinjalizon një ngadalësim të industrisë gjermane në tërësi në tre muajt e fundit të vitit. Pavarësisht kësaj, ekonomia gjermane, më e madhja në Europë, e që pritet të rritet me 2% këtë vit, do të marrë shtysë nga konsumi i brendshëm, dhe  jo nga industria.

Kjo tendencë vazhdon prej disa vitesh e mesa duket do të vazhdojë edhe përgjatë viteve në vijim. Gjatë Tetorit, eksportet ranë kështu me 0.4%, ndërkohë që importet u ngjitën me 1.8%, tregojnë të dhënat e fundit të zyrës federale të statistikave. Të dhënat ndërkohë flisnin për një rritje me 1% të eksporteve dhe 1.1% të importeve.

Kjo ka bërë që suficiti tregtar i Gjermanisë të ngushtohet në 19.9 miliardë euro, nga 21.9 miliardë euro që ishte muajin paraardhës.

Roel Korkuti/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.