Bien rastet botërore me Covid-19 – OBSH: Java e tretë radhazi. Ka ndodhur edhe më parë, mos ulni mburojën!
Organizata Botërore e Shëndetësisë deklaroi se numri botëror i të konfirmuarve me koronavirus ka rënë për të 3-n javë radhazi. Gjatë një konference virutale në selinë në Gjenevë, drejtori i organizatës, Tedros Adhanom Ghebreyesus, tha se pavarësisht se shumë vende po pësojnë rritje të infeksioneve, ky lajm është inkurajues. Tedros tha se kjo tregon që virusi mund të kontrollohet, edhe me variantet e reja në qarkullim. Sipas tij, kjo vërteton gjithashtu se nëse vazhdohet me masat publike që janë vërtetuar të jenë efektive, mund të parandalohet infeksionet dhe shpëtohen jetë.
‘Për të tretën javë radhazi, numri i rasteve me Covid-19 në të gjithë botën ka treguar rënie. Ka ende shumë vende me rritje të rasteve, por në nivel botëror, ky përbën një lajm inkurajues’, u shpreh Ghebreyesus.
Shefi i organizatës i bëri thirrje vendeve në të gjithë botën që të mos tregohen të pakujdesshme në këtë moment kritik dhe të marrin masa për të parandaluar përhapjen e virusit. Ai tha se duhet ndërtuar kapacitet më i madh i sistemit të kujdesit shëndetësor dhe i bëri thirrje vendeve që nën raportojnë vdekjet e lidhura me Covid. Megjithatë, Ghebreyesus tha se bota ka qenë në këtë pikë edhe më parë dhe nuk është koha për t’u qetësuar.
“Ne kemi qenë këtu më parë. Ne vitin e kaluar, ka pasur momente në thuajse të gjithë vendet ku rastet pësuan rënie dhe qeveritë hoqën masat shumë shpejtë. Individët ulën gjithashtu alarmin dhe virusin u rikthye përsëri. Ndërkohë që po shpërndahen vaksinat, është e rëndësishme që të gjithë ne të mbajnë njëri tjetrin të sigurtë.”
Organizata Botërore e Shëndetësisë publikoi gjithashtu raportin e parë botëror mbi të dhënat shëndetësore dhe kapacitetet e vendeve. Raporti tregoi se 40% e vdekjeve të lidhura me Covid në të gjithë botën janë të paregjistruara dhe në Afrikë, në veçanti, vetëm 10% e vdekjeve po regjistrohen.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.