Bien rastet me Covid-19 në Britani. Vendi ul nivelin e alarmit në “epidemi” nga “rritje eksponenciale”

Autoritetet  mjekësore në Mbretërinë e Bashkuar arritën në dakordësi se niveli i kërcënimit të Covid-19 duhet të ulet në “epidemi” nga “infeksion në rritje eksponenciale”.   Qendra e Përbashkët e Biosigurisë, rekomandoi se  alarmi i Covid-19 duhet të ulet në nivelin 3, që përcakton se një epidemi ndodhet në qarkullim t përgjithshëm, nga niveli 4, që përshkruan një infeksion në rritje eksponenciale.  Krerët mjekësorë në Angli, Uells, Skoci dhe Irlandën e Veriut bënë të ditur se ka pasur një rënie të qëndrueshme të rasteve në të 4 vendet.   Megjithatë, ata shtojnë se pandemia nuk ka përfunduar dhe virusi ndodhet ende në qarkullim të përgjithshëm.

Numri total i vdekjeve në Mbretërinë e Bashkuar nga Covid-19 ka kaluar 50,000, sipas të dhënave zyrtarë që përfshijnë rastet ku është përmendur në çertifikatat e vdekjeve, duke e bërë një nga vendet më të goditura në botë.  Mbi 8.5 milionë njerëz janë raportuar të infektuar me koronavirus në të gjithë botën dhe mbi 452,000 kanë vdekur, sipas të dhënave të Universitetit John Hopkins.   Kur niveli i alarmit u prezantua në Britani në mes të muajit Maj, qëndronte në nivelin të 4, që përshkruan një “transmetim të lartë apo në rritje eksponenciale”.

Sekretari i Shëndetësisë, Matt Hancock tha se ulja e nivelit të alarmit përbën një moment vendimtar dhe një testament të vërtetë për vendosmërinë e britanikëve për të mposhtur virusin.

Klevis Llaha / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.