Bilanci i viktimave në Itali më i ulëti i shënuar që prej dy javësh, ndërsa infeksionet vazhdojnë konstante

Bilanci i koronavirusit në Itali duekt se ka marrë një trajektore të re. Numri I viktimave qëndron ende I lartë në shifrën 525 në 24 orët e fundit, por ajo është më e ulëta e shënuar që prej dy javësh,pra që nga 19 marsi. Ditën e djeshme u shënuar 766 të vdekur. Numri i të infektuarve vijon të jetë i qëndrueshëm, thuajse në të njëjtat shifra prej ditësh, ku në 24 orët e fundit janë 2 972 të infektuarve, ndërsa një ditë më parë ishin 2 886 raste të reja të prekur me COVID-19.

Lajmi i mirë është se për herë të parë po shënon ulje numri i personave të shtuar në terapi intensive dhe gjithë e më pas shtretër po zihen për personat që kanë nevojë për terapi intensive.

Aktualisht në Itali janë shënuar gjithsej 15 887 viktima, 128 948 të infektuar dhe 21 815 të shëruar.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.