Bilanci i përmbytjeve në Greqi – Siguruesit vlerësojnë 12.3 mld euro dëme në zonën perëndimore të Atikës
Shoqata Helene e Kompanive të Sigurimeve, raportoi se kompanitë do të duhet të paguajnë 12.3 miliardë euro kompensim ndaj banorëve të zonës perëndimore të Atikës, për shkak të dëmeve nga përmbytjet vdekjeprurëse që goditën rajonin historik gjatë Nëntorit të kaluar.
Unioni përfundoi sondazhin mbi dëmet e raportuara në prona dhe automjete, që ka nisur që prej muajit Nëntor. Sondazhi i kategorizoi dëmet në zona gjeografike dhe në lloje të aseteve të dëmtuara ku përfshihen; shtëpitë, rreziqe tregtare dhe industriale.
Sipas zbulimeve, 177 dëme janë raportuar me vlerën mesatare që arrin në 65,833 euro. Zona më e dëmtuar ishte Mandra, ku jetojnë edhe familje shqiptare, duke zënë 62.1% të totalit të dëmeve të raportuara. Më pas ndjek Nea Peramos me 17.5%, Elefsina me 8.5%, Megara me 7.9% dhe Magoula me 4%.
Sipas raportimit, ishin 27 kompani të sigurimit që morën pjesë në sondazh, që zënë 99% të primeve në sigurimin e pronave. Përmbytja, që i mori jetën 20 personave, ishte më e madhja për vendin që prej vitit 1977.
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.