Bilanci tjetër i 26 Nëntorit – Diskutimi në “Argument” për kompanitë e sigurimit dhe shkencën e sizmologjisë
I ftuar në emisionin “Argument” gjatë së enjtes në mbrëmje, kreu i shoqatës së siguruesve të Shqipërisë, Edvin Libohova, u shpreh se, kompanitë e sigurimit në vendin tonë janë të mbuluara nga kompanitë e risigurimit, çka do të thotë se për ta, dëmi është minimal, e për rrjedhojë edhe për sistemin financiar e ekonominë e vendit, në këtë drejtim gjërat duket të jenë mëse në rregull.
Sa i përket tërmetit të 26 nëntorit dhe dëmeve që ka shkaktuar nëpër ndërtesa, në studion e “Argument” foli edhe inxhinieri Igli Kondi, sipas të cilit, një tërmet i të tillave përmasa pashmangshmërisht do të shkaktonte dëme, dhe në vendin tonë, sipas tij, këto dëme rezultojnë të jenë të pranueshme.
Një tjetër debat i ditëve të fundit është edhe ai i mungesës së financimit për departamentin e sizmologjisë, pjesë e IGJEUM. Mungesa e financimeve ka bërë që e dhëna kryesore e tërmetit tragjik të mungojë në sisistem. Këtë gjë e sqaron më së miri edhe specialist i sizmologjisë, Edmond Dushi, pjesë e këtij departamenti.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.