Bill Gates për median polake: ‘Bota duhet të kthehet në normalitet deri në fund të vitit 2022 për shkak të vaksinave’

Bota duhet të kthehet në normalitet deri në fund të vitit 2022 falë vaksinave COVID-19, tha Bill Gates në një intervistë për gazetën polake Wyborcza dhe transmetuesin televiziv TVN24.

“Kjo është një tragjedi e pabesueshme”, tha bashkëthemeluesi i Microsoft mbi pandeminë, duke shtuar se lajmi i vetëm i mirë ishte hyrja në vaksina.

“Deri në fund të vitit 2022 ne duhet të kthehemi plotësisht në normalitet,” tha Gates.

Gates, një miliarder i cili dha dorëheqjen si kryetar i Microsoft Corp në 2014, përmes fondacionit të tij filantropik Bill dhe Melinda Gates ka kontribuar të paktën 1.75 miliardë dollarë për përgjigjen globale ndaj pandemisë COVID-19. Kjo përfshin mbështetje për disa prodhues të vaksinave, diagnostifikimit dhe trajtimeve të mundshme.

COVAX, mbështetur nga Organizata Botërore e Shëndetësisë (OBSH) dhe Aleanca Globale për Vaksinat dhe Imunizimin (GAVI), synon të sigurojë 2 miliardë doza vaksinash për vendet me të ardhura më të ulëta deri në fund të vitit 2021.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.