Binjakëzimi kundër korrupsionit – Soreca: Kosto ekonomike e shoqërore. Gjonaj: Vetting-u vërtetoi se mposhtet
Në ditën përmbyllëse të projektit të binjakëzimit në luftën kundër korrupsionit me qeveritë federale te Gjermanisë e Austrisë, Ambasadori i BE-së Luigi Soreca tha se fenomeni mbetet ende sfidë për shoqërinë për shkak të kostove të jashtëzakonshme që vijon të sjellë në ekonomi e në shoqëri.
Soreca nënvizoi se korrupsioni është një prej 5 prioriteteve kyçe në procesin e integrimit dhe do të ketë një rol shumë të rëndësishëm në raportin për Shqipërinë në fund të majit.Ministrja e Drejtësisë, Etilda Gjonaj tha se janë marrë 600 masa disiplinore nga Task Forca Antikorrupsion, dhe se suksesi i procesit të Vetting-ut është një provë që fenomeni mund të luftohet me sukses.
Në takimin përmbyllës të projektit merrnin pjesë përfaqësues të lartë të lartë të qeverive federale të Gjermanisë dhe Austrisë, falë të cilave u bë i mundur projekti.
Lorenc Rabeta/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.