BioNTech zgjeron “gjurmët” botërore / Do të ndërtojë Seli të re në Singapor për prodhimin e vaksinave

BioNTech lajmëroi në nisje të Javës se do të caktojë selinë e re të Azisë Juglindore në Singapor, ku do të ndërtojë një fabrikë për prodhimin e vaksinave dhe barnave të tjera për të trajtuar sëmundjet infektive dhe kancerin.  Qendra e re do të mund të prodhojë qindra milionë doza të vaksinës me teknologjinë e lajmëtarit të ARN çdo vit. Njësia mund të jetë operacionale nga viti 2023, sipas kompanisë gjermane të bioteknlogjisë. Kjo do të lejojë rritjen e prodhimit për rajonin aziatik, që të trajtojë kërcënimet e ardhshme pandemike.  BioNtech ka krijuar vaksinën me kompaninë ameriknae Pfizer, duke përdorur teknologjinë e lajmëtarit të ARN, që përdor material gjenetik për të provokuar një reagim imunitar kundër virusit.   “Krijimi i disa pikave në rrjetin tonë të prodhimit është një hap i  rëndësishëm për ndërtimin e gjurmës tonë botërore”- tha Ugur Sahin, ekzekutivi dhe bashkëthemluesi i Biontech.  Vitin e kaluar, kompania e themeluar në Mainz, Gjermani, caktoi selinë amerikane në Cambridge, Massachusetts.   Shtetet e Bashkuara kanë shpërndarë 170 milionë doza të vaksinës së Pfizer nën autorizimin emergjent të Administratës së Barnave në vend.  Kompanitë kanë nisur procesin e miratimit të plotë për vaksinën, për përdorim tek njerëzit në 16-vjeç e sipër në SHBA.   Regjimi kërkon 2 doza, me diferencë 21 ditë nga njëra tjetra dhe vaksina është 95% efektive në parandalimin e Covid-19 në laborator.

Klevis Llaha – SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.