Birrë “brexit” në Paris – Një pub në Francë shërben birrën me shije të hidhur
Një pub në Paris ka filluar të shërbejë birrë Brexit. Birra në fjalë është bërë nga një prodhues birre pro qëndrimit në union nga Anglia Lindore, një rajon që masivisht votoi pro daljes. Birra Brexit ka një shije hidhërimi, si për të shprehur ndjenjën e shumëkujt me daljen nga unioni.
Pronarët e pubit francez pranë stacionit të trenit Saint Lazare në qendër të Parisit deklarojnë se birra ka krijuar habi te klientët e pubit, pjesa dërrmuese e të cilëve janë britanikë, të cilët kundërtshojnë daljen nga unioni.
Tashmë, Parlamenti britanik ka votuar të shtyjë për në 30 Qershor datën e daljes zyrtare nga Bashkimi Europian. Por ende nuk është votuar marrëveshja për daljen, çka do të thotë se, Britania mund të dalë nga unioni edhe pa një marrëveshje, çka do të ishte katastrofike. “Une përpiqem të shmang çdo gjë që ka lidhje me Brexit pasi për mua është një shkatërrim”-thotë një inxhinier britanik i cili prej 20 vitesh jeton në Paris dhe që është klient i pubit.
Pasiguria që ka krijuar brexit është mjaft e lartë. “Brexit është e tmerrshme, por të paktën birra është e mirë”-shprehet një kliente tjetër e pubit që shërben birrën brexit.
Roel Korkuti/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.