Bitcoin, 6,000 USD në 2018 – Analistët parashikojnë një çmim prej 55,000 USD në 2022

Bitcoin ka pasur një vit të shkëlqyer deri më tani, por pavarësisht kësaj rritje analistët dhe strategët në Wall Street parashikojnë se, monedha virtuale do të rritet edhe me rreth 40%, deri në fund të vitit 2018. Tom Lee, bashkëthemelues i Fundstrat Global Advisors, parashikon se, deri në mesin e vitit 2018, Bitcoin do të prekë nivelin e 6000 dollarëve.

Ndërkohë, përgjatë këtij viti, monedha virtuale është rritur me rreth 330%. Në një shënim për klientët e tij, Lee përmend si arsye kryesore të rritjes, aprovimin e tregtimit të Bitcoinoptions dhe adoptimin e tregtimit të kontratave “futures”.

Kjo nënkupton një rritje të ndjeshme të zotërimeve institucionale të Bitcoin përgjatë 6 apo 8 muajve të ardhshëm.

“Padyshim që kjo do të çojë në rritjen e vëllimit të transaksioneve të Bitcoin”, shprehet ai.

Tom Lee ishe strategu i parë në Wall Street që zhvilloi hulumtime për kriptomonedhën. Muajin e kaluar, ai deklaroi se, deri në vitin 2022 Bitcoin mund të prekë nivelin e 55 mijë dollarëve, duke shtuar se, kriptomonedhat po e zhvendosin në plan të dytë arin.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.