Bitcoin ‘kokë më kokë’ me arin – Pritet të tejkalojë 50 mijë dollarë në terma afatgjatë

Çmimi i Bitcoin mund të tejkalojë 50,000 dollarë për një kohë afatgjatë, ndërkohë që aktivi dixhital po lufton me arin për flukset e investimeve, sipas shkëmbimit të kriptomonedhave Luno dhe brokerimit OSL.

“Ne po flasim për Bitcoin gjatë tre, pesë, 10 viteve të ardhshme duke ngadalësuar kapitalizimin e tregut të arit”, tha Vijay Ayyar, kreu përgjegjës për Azinë dhe Paqësorin me shkëmbimin e kriptove Luno në Singapor, në një seancë pyetjesh dhe përgjigjesh në internet me Bloomberg të martën . Nëse kjo ndodh, “ai do të vlejë më shumë se 50,000 dollarë”, tha ai.

Bitcoin u katërfishua vitin e kaluar, duke arritur përfundimisht një rekord historik prej gati 42,000 dollarësh në fillim të janarit para se të rrëshqiste prapa me rreth 10,000 dollarë. Këto luhatje krijuan opinione të ndryshe pasi disa komentatorë të njohur me fushën tregonin për rritjen e interesit nga investitorët afatgjatë ndërsa të tjerët përmendin blerjet spekulative.

Ndërsa Bitcoin ka qenë i njohur për tregtinë, “gjithnjë e më shumë, kjo para e re e tregut që po shohim po blen Bitcoin si një mbrojtje e inflacionit dhe si ar dixhital”, tha Matt Long, shefi i shpërndarjes dhe brokerimit kryesor në platformën dixhitale të aseteve OSL në Hong Kong.

Parashikimi i një çmimi për Bitcoin është sfidues, por ka të ngjarë të rritet më gjatë pasi fondet dhe zyrat private i caktojnë 0,5% ose 1% të portofoleve të tyre, shtoi Long.

Bitcoin, i cili është rritur 9% këtë vit, ishte duke tregtuar me rreth 31,500 dollarë që nga 7 e mëngjesit në Londër të martën. (Bloomberg)

E . S / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.