Bitcoin, në rënie me thuajse 8% – Ndjekin kriptovalutat e tjera. Nuk ka një arsye të qartë, përveç Kinës
Bitcoin dhe kriptovaluta të tjera ranë ndjeshëm në nisje të tregtisë, dukë u tërhequr nga nivelet rekord të larta. Bitcoin ra drejt 60,000 dollarëve, sipas CoinDesk, duke u rimëkëmbur pak më vonë drejt 60,600, që është në rënie me 8% nga sesioni i kaluar. Kriptovaluta tjetër, Ether, ra me thuajse 8% në 4,310.96 dollarë. Faktori pas luhajteve të çmimeve nuk ishte i qartë.
Komisioni i Reformave dhe Zhvillimit Kombëtar në Kinë, deklaroi se do vazhdojë të pastrojë aktivitetin e krijimit të kriptovalutave në vend. Më herët gjatë vitit, Kina ka gjurmuar të ashtuquajtura “minierat” e bitcoin, ç’ka solli një eksod të tyre drejt perëndimit. Kjo e fundit është një proces i ngarkuar nga ana energjtike, që krijon monedha të reja dhe ruaj regjistrin e të gjithë transaksioneve të kriptovalutave ekzistuese. Pekini ka shprehur shqetësim mbi sasinë e energjisë që përdoret tek minierat. Përfaqësues të komisionit bënë të ditur se krijimin i kritpovalutave shkakton konsum të lartë të energjisë, emetime të karbonti dhe nuk ka ndikim aktiv drejt zhvillimit të industrisë apo progresit shekncor.
“Rregullimi i këtyre aktiviteteve ka ndikim të rëndësishëm në optimizimin e strukturës industriale, kursimin e energjisë, uljen e ndotjes dhe arritjen e objektivave të klimës”- deklaroi komisioni.
Presidenti kinez, Xi Jinping, tha në vitin e kaluar se Kina synon të arrijë neutralitet të karbonit deri në vitin 2060. Komisioni i Zhvillimit bëri të ditur se do përëqëndrohet tek kompanitë shtetërore të përfshira në kriptovaluta dhe se po konsideron çmime ndëshkuese të energjisë elektrike, kundrejt atyre që merren me aktivitetin e krijimit të kriptovalutave.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.