Bitcoin rimëkëmbet përsëri/ Kalon $8,500.  Si gjithmonë, faktorët e rritjes janë të shumtë

Bitcoin u rrit me 15% në sesionin e fundit tregtar, duke u rimëkëmbur nga nivelet e ulëta që preku gjatë Majit, për shkak të një qasjeje pozitive ndaj rrezikut në tregjet financiarë.

Si ç’ndodh zakonisht në tregun e kriptovalutave, tregtarët përmendën shumë arsye, nga spekulimet se çmimet po fryhen përpara skadimit të disa kontratave futures e deri te arbitrazhi i çmimeve mes bursave të ndryshme.

Sipas analistëve, humori pozitiv së bashku me mundësinë e blerjes në nivelin e suportit prej 7,500 dollarë, ka sjellë më shumë blerës se sa shitës tek bitcoin.

Kriptovaluta u rrit në 8,574 dollarë në sesionin e fundit. Bitcoin kishte rënë në 7,305 dollarë ditën e Mërkurë, që ishte niveli më i ulët që prej muajit Maj.

Kriptovalutat alternative, si Etherium dhe Litecoin, u rritën gjithashtu me 12% dhe 14% në mënyrë respektive. Kriptovalutat morën gjithashtu një nxitje nga raportimeve se Kina planifikon të përshpejtojë zhvillimin e teknologjisë blockchain dhe industrisë së kriptovalutave.

Bitcoin ra pasi kreu ekzekutiv i Facebook Mark Zuckerberg dëshmoi përpara Kongresit ditën e Mërkurë. Seanca vuri në dukje armiqësinë e qeverisë amerikane ndaj iniciativës së Facebook për të prezantuar kriptovalutën Libra.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.