Bitcoin: Themeluesi i një Exchange ndërron jetë – Miliona dollarë ‘të kyçur’
Për shkak të vdekjes së parakohshme të themeluesit të saj, një nga platformat më të rëndësishme të këmbimit Exchange për kriptovalutat në Kanada është e pa aksesueshme.
Gerald Cotten, themelues 30-vjeçar i platformës Exchange të QuadrigaCX, humbi jetën në Indi. Ai vuante nga sëmundja e Crohn-it, një sëmundje nga e cila nuk ka shpëtim. Që nga ajo ditë, çdo veprim në QuadrigaCX është pothuajse i pamundur. Arsyeja është shumë e thjeshtë: Cotten ishte i vetmi që dinte fjalëkalimet për të hyrë në platformën e tij.
Ashtu si me çdo platformë tjetër të Exchange, themeluesi kishte planifikuar një sërë sigurish për QuadrigaCX. Një nga këto siguroi akses vetëm nga kompjuteri personal i Gerald. Një PC i nënshtruar shkallëve të ndryshme të kriptografisë, duke pasur parasysh kapitalin e madh që u transmetua përmes QuadrigaCX. Kjo është arsyeja pse që kur themeluesi vdiq, askush nuk ka qenë në gjendje të hyjë në platformë.
26,500 Bitcoins, 11,000 Bitcoin Cash, 11,000 Bitcoin SV, 35,000 Bitcoin Gold, 200,000 Litecoin dhe 430,000 Ethereum janë në tym. Në shkëmbimin e tanishëm shuma shkon tek 150 milionë dollarë
Bitcoins nuk janë të trashëgueshme, në kuptimin që nuk ka një rregull për procedurat në të tilla raste, ndryshe nga kursimet e zakonshme në një llogari bankare. Shansi i vetëm për trashëgimtarët është që të posedojnë çelësat për të hyrë në portofolin dixhital të personit të vdekur. Nëse këto çelësa i njohin vetëm ata që vdesin, si në rastin e Cotten, Bitcoin si çdo kriptovalutë tjetër do të mbetet përherë e pa aksesueshme.
Gjithashtu është e pamundur të dihet nëse një person ka aspak ose shumë pasuri sepse portofolat mund të përmbajnë një numër të pakufizuar adresash unike, me një numër të panjohur kriptovalutash caktuar për secilën prej tyre.
Burimi:ilsole24ore
E.T/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.