Bizneset, 10 “detyrat” për qeverinë e re – Nga ligji i ri i tatimit për të ardhurat, tek korrupsioni e burokracitë

Çdo qeveri, përpos angazhimeve të tjera, ka si detyrë kryesore mirëqenien ekonomike dhe përmirësimin e klimës së biznesit,  e për ta arritur këtë duhet të ndërmarrë reforma të herëpas’herëshme. Por cilat janë 10 kërkesat kryesore të sipërmarrjes për qeverinë re që do të “ndezë motorrët” për katër vitet e ardhshme?  Sipërmarrjet kërkojnë nga qeveria shqiptare që të rishikojë taksat që zbatohen për biznesin dhe individët me tendencë ulje,  duke e bërë një proces të thjeshtë dhe të mos humbasë kohën e tyre;

Qeveria shqiptare duhet të reduktojë shumë burokraci dhe të bëjë një klimë më të favorshme për investitorët e huaj në mënyrë që të tërheqin sa më shumë; Lehtësimi, thjeshtimi i procedurave në eksport dhe  veçanërisht tregtia elektronik; Reforma ligjore është një tjetër kërkesë që mbetet e pandryshuar ndër vite;  Lufta ndaj  korrupsionit dhe  konsultimi i  legjislacionit me grupet e interesit, janë sërish kërkesa që zënë vend në çdo periudhe ndaj qeverisë.

Kërkohet gjthashtu  miratimi i legjislacionit të ri mbi tatimin mbi të ardhurat dhe ndalimi i ndryshimeve në legjislacionin tatimor të cilat janë sipërfaqësore dhe  promovojnë ekonominë joformale. Kërkohet implementim i sistemit online për të gjithë tenderët publikë. Sipërmarrjet i bëjnë apel qeverisë që të vijojë skemën mbështetëse për bizneset mikro dhe të vogla për të kapërcyer efektet e covid dhe në fund apelohet për zbatimin e ligjit dhe luftën ndaj klientelzmit. Shqetësimet janë artikuluar nga një sërë biznesesh që i kanë sytë nga qeveria e re, pas një periudhe të vështirë për shkak të COVID-19, por të bëra prezente së fundmi edhe nga Anëtarët e Dhomës Amerikane të Tregtisë.

Elisabeta Dosku / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.