Bizneset gjermane, në optimizëm. Kërkesa për mallrat industrialë mban fabrikat në vrull gjatë karantinës

Humori i biznesit në Gjermani është rritur në nivelin më të lartë në 2 vite këtë muaj, ndërkohë që rritja e kërkesës për mallrat industrial, kanë mbajtur fabrikat në aktivitet, pavarësisht masave të karantinës nga pandemia. Instituti për hulumtime ekonomike, Ifo, deklaroi se indeksi i klimës së biznesit u rrit në 96.6 pikë, që është treguesi më i lartë që prej Qershorit 2019, nga 92.7 që ishte në Shkurt.  “Pavarësisht rritjes së infeksionit, ekonomia gjermane e ka nisur Pranëvënën në pozitë të fortë. Kompanitë janë dukshëm më të kënaqura me situatën aktuale”- tha Clement Fuest, presidenti i institutit.

Sondazhi shton provat që ekonomia më e madhe e Europës po navigon përmes pandemisë e paprekur rëndë, në një vit të pakënaqësive ndaj masave të karantinës dhe fushatës së ngadaltë të vaksinimit.  Ifo deklaroi se kërkesa e jashtëzakonshme për mallrat gjermanë nga Shtetet e Bashkuara dhe Kina, tregon për një rimëkëmbje në sektorin industrial, ku optimizmi ndodhet në nivelet më të larta që prej Nëntorit 2010. Sondazhi zbuloi gjithashtu se sektori i shërbimeve, që është goditur më rëndë nga masat e karantinës, po sheh shenja të vogla të rimëkëmbjes.

Klevis Llaha / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.