Bizneset, procedurat për regjistrimin ose ndryshimin e të dhënave në QKB. Dokumentet dhe afatet për marrjen e shërbimit
Keni një biznes dhe kërkoni të aplikoni për regjistrime të tjera ose ndryshime në të dhënat e regjistruara në Qendrën Kombëtare të Biznesit? Ju mund ta merrni këtë shërbim dhe mund të aplikoni pas asnjë kosto shtesë në portalin “e-Albania”. Nëse të gjitha kërkesat janë përmbushur në përputhje me ligjin, atëherë procedura realizohet një ditë nga data e paraqitjes së aplikimit.
“Ky shërbim elektronik u vjen në ndihmë bizneseve që aplikojnë për regjistrime të tjera ose ndryshime në të dhënat e regjistruara në Qendrën Kombëtare të Biznesit. Shërbimi elektronik i ndryshimit të të dhënave të regjistruara, mund t’i ofrohet vetëm një subjekti/biznesi që është i regjistruar tashmë në QKB. Aplikimi online për ndryshim është i ngjashëm me procedurën e regjistrimit fillestar. Mbështetur në nenin 43 të Ligjit Nr.9723, datë 03.05.2007, “Për Regjistrimin e Biznesit”, i ndryshuar, çdo subjekt, që kryen regjistrimin fillestar, mbart edhe detyrimin të regjistrojë çdo ndryshim në të dhënat e njoftuara dhe në dokumentet shoqëruese, që depozitohen në regjistër, sipas seksionit III të këtij ligji” thuhet në portalin e-Albania.
Aplikimet
Aplikimet sipas formave ligjore:
– Regjistrime të tjera të biznesit (Person Fizik) – Klikoni këtu për manualin
– Regjistrime të tjera të biznesit (Shoqëri me Përgjegjësi të Kufizuar, Shoqëri Kolektive) – Klikoni këtu për manualin;
– Regjistrime të tjera të biznesit (Shoqëri Aksionare) – Klikoni këtu për manualin;
– Regjistrime të tjera të biznesit (Degëve ose Zyrave të Përfaqësimit të Shoqërive të Huaja) – Klikoni këtu për manualin.
Dokumentacioni i nevojshëm
Dokumentet e nevojshme për aplikim janë:
– Formulari i aplikimit (plotësohet elektronikisht nga i interesuari);
– Dokumente të tjera shoqëruese në varësi të llojit të aplikimit.
Hapat e procedurës
“Logimi në portalin qeveritar e-albania.al me mënyrën e identifikimit “Identifikimi i qytetarëve/bizneseve me fjalëkalim: NIPT dhe fjalëkalimin (password) që administratori ka vendosur gjatë regjistrimit të biznesit. Ndiqni me kujdes të gjitha hallkat e procedurës për regjistrimin e ndryshimit”, thuhet në portalin e-Albania.
Koha e nevojshme për marrjen e shërbimit
QKB-ja, pasi kryen verifikimet përkatëse, sipas nenit 54 të këtij ligji dhe vëren përmbushjen e kushteve për regjistrim, kryen regjistrimin në regjistër dhe lëshon vërtetimin e kryerjes së regjistrimeve të tjera brenda një afati prej një dite nga data e paraqitjes së aplikimit.
Osman Dedja/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.