Bizneset, procedurat që duhen ndjekur për të marrë certifikatën e regjistrimit në QKB. Dokumentet që dorëzohen  

Bizneset mund të shkarkojnë në kohë reale certifikatën e regjistrimit në Qendrën Kombëtare të Biznesit. Kjo procedurë kryhet më thjeshtë tashmë, duke klikuar dhe duke e marrë këtë shërbim në portalin “e-Albania”.

Në një njoftim të fundit thuhet se, në çast bizneset e interesuara mund të shkarkojnë certifikatën e regjistrimit, të vlefshme ligjërisht, pasi është e pajisur me vulën dixhitale, pa asnjë kosto shtesë, pa vonesa dhe pa afat përdorimi.

“Nëpërmjet këtij shërbimi elektronik bizneset mund të marrin në kohë reale certifikatën e regjistrimit në Qendrën Kombëtare të Biznesit. Certifikata përmban të dhëna mbi NUIS – numrin unik të identifikimit të biznesit, i cili lëshohet në momentin e regjistrimit të subjekteve tregtare me të certifikatës së regjistrimit. Gjithashtu në të, tregohet statusi i biznesit, adresa, afati i veprimtarisë, data e regjistrimit të biznesit”.

Dokumentacioni i nevojshëm

– NUIS (numri unik i identifikimit i biznesit) – i nevojshëm për t’u loguar në portal

Hapat e procedurës

– Identifikohuni si biznes në portal

– Zgjidhni shërbimin “Certifikatë Regjistrimi”

– Klikoni butonin” Përdor”

– Plotësoni formularin përkatës elektronik

– Klikoni butonin “Shkarko dokumentin e vulosur” në faqen e fundit të formularit

– Certifikata do te shkarkohet menjëherë në shfletuesin tuaj

Shërbimi do të merret menjëherë dhe do të ofrohet për bizneset pa asnjë pagesë.

os.de/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.